POP 5

Lajmet më të lexuara të 5 minutave të fundit

Kronikë

U kap në Muriqan, rusi Igor Kokunov do të ekstradohet në Moskë! E konfirmon dhe Apeli

Gjykata e Apelit e Juridiksionit të Përgjithshëm la sot në fuqi vendimin e Gjykatës së Shkodrës e cila i dha dritë jeshile ekstradimit të tij.

U kap në Muriqan, rusi Igor Kokunov do të ekstradohet në Moskë! E konfirmon dhe Apeli

Muriqan

TIRANE- Rusi Igor Kokunov i cili u arrestua në gusht të vitit të kaluar në pikën e kalimit kufitar të Muriqanit në Shkodër do të ekstradohet.

Gjykata e Apelit e Juridiksionit të Përgjithshëm la sot (20 mars 2024) në fuqi vendimin e Gjykatës së Shkodrës e cila i dha dritë jeshile ekstradimit të tij.

Kokunov ishte shpallur në kërkim nga interpol Moska pasi po hetohet për akuzën ‘marrje e një pozicioni më të lartë në hierarkinë kriminale ndërsa u arrestua në Muriqan më 26 gusht 2023

Ky shtetas është shpallur në kërkim ndërkombëtar nga Interpol NCB Moskë, referuar vendimit penal administrativ dhënë nga Gjykata e Moskës më datë 18.02.2022. Gjykata ruse ka caktuar ndaj tij masën e sigurimit “arrest në burg”, si i dyshuar për kryerjen e veprës penale “Marrja e një pozicioni më të lartë në hierakinë kriminale”, parashikuar nga neni 210/1 i Kodit Penal i Republikës së Rusisë dhe dënimi maksimal i kësaj dispozite është 15 vjet burgim.

Më 14 nëntor 2023 Gjykata e Shkodrës e pranoi kërkesën për të lejuar ekstradimin. Vendimi u ankimua në Apel nga rusi Kokunov, i cili kërkoi ndryshimin e vendimit dhe refuzimin e ekstradimit në Federatën Ruse.

Kështu i hapet rruga ekstradimit të tij në Moskë. Një kopje e këtij vendimi i komunikohet Ministrisë së Drejtësisë së Republikës së Shqipërisë dhe Ambasadës së Federatës Ruse në Republikën e Shqipërisë.

Vendimi në Gjykatën e Apelit e Juridiksionit të Përgjithshëm u mor nga gjyqtarja Lutfije Celami.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Sara Hoxha: Nuk kam qenë kurrë bashkëshortja e Ledri Vulës

Sara Hoxha: Nuk kam qenë kurrë bashkëshortja e Ledri Vulës

27 Prill, 08:15